संयुक्त अरब इमिरेट्स (यूएई) का राष्ट्रपति शेख मोहम्मद बिन जायेद अल नाह्यानद्वारा मङ्गलवार अबुधाबीमा आयोजित विशेष समारोहमा उक्त पुरस्कार प्रदान गरिएको हो । अबुधाबी सस्टेनेबिलिटी सप्ताहको उद्घाटन अवसरमामा आयोजित कार्यक्रममा जलवायु कार्य विधा अन्तर्गत बिल्ड अप नेपाल सम्मानित भएको हो।

सन् २००८ मा स्थापना भएको जायद सस्टेनेबिलिटी पुरस्कार यूएईको सबैभन्दा प्रतिष्ठित अन्तर्राष्ट्रिय पुरस्कारमध्ये एक मानिन्छ । यस पुरस्कारले स्वास्थ्य, ऊर्जा, खाद्य, पानी, जलवायु कार्य र दिगो विकासका क्षेत्रमा प्रभावकारी योगदान पुर्‍याउने संस्थाहरूलाई सम्मान गर्दै आएको छ ।